سڤیل: تریفە ئازاد
ئەكتەری بەئەزموونی كورد حاجی مەكی، كە بە عەلییە فەندی ناسراوە، گلەیی لەكەناڵە كوردییەكان دەكات، چونكە دەڵێ بەپارەكی زۆر درامای بێگانە دەكڕنەوە و پارە بەدرامای كوردی نادەن.
حاجی مەكی لەلێدوانێكیدا بۆ (سڤیل) گلەیی لەكەناڵە كوردییەكان كردو گوتی "من حەز دەكەم خزمەت بەبواری درامای كوردی بكەم، بەڵام كەناڵەكانی خۆمان درامای بێگانە بەپارەیەكی خەیاڵی دەكڕن و نیشانی خەڵكی ئێمەی دەدەن، بۆ خۆمان دراما ئامادە نەكەین بۆ چاومان لەدەستی بێگانە بێت". حاجی مەكی فیلمە سینەماییەكەی خۆی بەنموونە باس دەكات و گوتی "فیلمێكی سینەماییم كردووە چوار دەفتەر دۆلاری تێچووە، رۆیشتم بۆ كەناڵێك لێم بكڕێتەوە، پێمگوتن بەچەند دەتانەوێ، دەڵێن بە سێ دەفتەر! ئاخر بە سێ دەفتەر ماڵی پاشایەكت پێ نیشان نادەن، من 5 هەزار كەس بێنم كار بكات، باشە چۆن بە سێ دەفتەر دەكرێت!".