سڤیل: ژیروان نوری
لێپرسراوی تیپی هونەری زارین بە(سڤیل)ـی راگەیاند، بەنیازی بەرهەمهێنانی دوو درامای سی ئەڵقەییە، بەناوەكانی (رۆژمێری خوێناوی) و (قەڵای دمدم).
حوسێن زارین لێپرسراوی تیپی هونەری زارین لەلێدوانێكدا بۆ (سڤیل) رایگەیاند، كە چوار ساڵە سەرقاڵی ئامادەكردنی سیناریۆی درامایەكی خۆیەتی، بەناوی (ڕۆژمێری خوێناوی)، كە ئێستا هەموو شتێك ئامادەیە و دەیەوێ سپۆنسەرێكی باش بدۆزێتەوە، گوتی "درامای (رۆژمێری خوێناوی) بۆماوەی چوار ساڵ خەریكی سیناریۆكەی بووم، كە لە سی ئەڵقە پێكهاتووە، باس لەرووداوەكانی ساڵی 1963 و ئینقیلابی بەعسییەكان دەكات". حوسێن زارین گوتیشی "بەنیازم درامایەكی دیكە بەناوی (قەڵای دمدم) بەرهەم بێنم، كە لە سیناریۆ و دەرهێنانی خۆمە".