بەگوێرەی هەواڵی یاهو نیوز، هاوڵاتییەكی كوردی ڕۆژهەڵات دوای ئەوەی بە مەبەستی خۆكوژی خۆی بریندار دەكات لە كامپی پەنابەرانی داروینەوە دەگەیەنرێتە نەخۆشخانەی شاهانە.
قسەكەری دەزگای كۆچبەران و هاوڵاتیبوون لە ئوسترالیا گوتویەتی باری تەندروستی ئەو كوردە ئێستا "پەسەندە". قسەكەرەكە دەڵێ ئەو كەسە ساڵی پاریش وەكو ناڕەزایی هەستا بە دورینەوەی لێوی سەرەوە و خوارەوەی بەیەكەوە.
كوردانی رۆژهەڵاتی كوردستان كە ساڵانێكە روو دەكەنە وڵاتانی ئەوروپا بەمەبەستی وەرگرتنی مافی نیشتەجێبوون، لە دۆخێكی سەختدا دەژین و زۆر بەكەمی قبوڵ دەكرێن، بەتایبەتی لەم ماوانەی دوایی زۆربەی وڵاتان وەرگرتنی پەنابەریان سنوردار كردووەو هەندێ وڵاتیش زۆریان دیپۆرتكردنەوە.