سایتی ئینگلیزی زمانی بیانێتی توركیایی لەڕاپۆرتێكدا ساڵی 2011 بە ساڵی دەستگیركردنی بە لێشاوی رۆژنامەنوسان ناو دەبات. سایتەكە دەڵێ ئەوانەی دەستگیركراون مافی دادگاییكردنی دادپەروەرانەیان بۆ دابین نەكراوە و بێ گوێدانە پرەنسیپە یاساییەكان خزێنراونەتە گۆشەی زیندان. سایتەكە دەڵێ كەمینەیەكی هەرە كەمی رۆژنامەنوسانی دەستگیركراو بەهۆی نوسینەكانیانەوە دەستگیر كراون و زۆرینە بە تۆمەتی ئەندامێتی لە ڕێكخراوە یاساغەكانی وەك پەكەكە دەستگیر كراون. سایتەكە دەڵێ حاڵی حازر 104 ڕۆژنامەنوس و 30 بڵاوكەرەوە لە زیندان و لە كۆی ئەو 134 كەسە، 94 كەسیان كوردن.