پێناسە:
خوێنهێنەرەكان ئاسایی زمانەیان تێدایە، كە ڕێگەی بەرە پێشچونی خوێن دەدات، بەڵام ناهێڵێت بەرەو دواوە بگەڕێنەوە، بەڵام لەم بارەدا زمانەكان كارایی لەدەست دەدەن و لەئەنجامدا خوێن بەرەو دواوە دەگەڕێتەوە و خوێنهێنەرەكە لەو شوێنەدا دەئاوسێت و پێچ دەخوات. جگە لەكاریگەرییەكەی لەڕووی جوانكاری و دەرونیەوە، حاڵەتێكی بەئازاریشە و ڕێگە خۆش دەكات بۆ توشبون بە چەندین حاڵەتی ترسناكتر. زیاتر لەقاچدا و لەخوێنهێنەرەكانی ڕووكاردا ڕوو دەدات تا ئەوانەی لەقوڵایی شانەكاندان.
نیشانەكانی:
* ئازار لەقاچە توشبووەكە بەتایبەت دوای وەرزش و لەشەواندا *دەركەوتنی خوێنهێنەرەكان كە شێوەیان وەك كرمی خاكە (هەڵاوساو و پێچخواردوو) *سوربوونەوە و وشكبوونەوە و خوران لەپێستی دەوروبەری خوێنهێنەرەكە، ئەوەش لەئەنجامی كۆبوونەوەی پاشەڕۆ لەشانەكانیدا *ئازار لەقاچە توشبووەكە كاتێك لەپڕ دەجوڵێی یان هەڵدەستێتە پێ *درەنگ گیرسانەوەی خوێنبەربوون لەدەوروبەری ناوچە توشبوەكە.
ئاڵۆزكارییەكانی:
زۆریان ئاڵۆزكارییەكی ئەوتۆیان لێناكەوێتەوە، بەڵام هەندێكیان بەرەو ئاڵۆزكاری دەچن، بەهۆی تێكچونی سوڕی خوێن لەقاچە تووشبوەكە و دەكرێ ببنە هۆی:
*زیادبونی ئازارەكە و لەمپەرخستنە بەردەم جوڵان و كاركردن لەتوانا پیشەییەكان *هەوكردنی پێست و لەقۆناغە پێشكەوتوەكاندا برینی پێستی لێدەكەوێتەوە و لێكۆڵینەوەكان ئاماژە بۆ ڕێگە خۆشكردن بۆ سەرهەڵدانی شێرپەنجە دەكەن لەبرینەكاندا *كڵۆبوونی خوێن لەناو بۆڕییە توشبووەكاندا و ئەگەری توشكردنی بۆڕییە قوڵەكان و سەرەنجام دەركەوتنی چەندین ئاكامی ترسناك لەكڵۆی بۆڕییە قوڵەكانەوە.
هۆیەكان:
ئەم فاكتەرانە ئەگەری توشبوون زیاتر دەكەن *ڕەگەزی ژن *فاكتەری بۆماوە *قەڵەوی *سكپڕی *تەمەنی نائومێدی لەژناندا *چوونە تەمەن *بەپێوە وەستان بۆ ماوەی درێژ *بەركەوتنی زەبر بە قاچ.
چارەسەر:
1-چارەسەری سادە: *بەرزكردنەوەی قاچ لەكاتی پاڵكەوتندا *لەپێكردنی گۆرەوی توندی پزیشكیی تایبەت بەم نەخۆشییە: بۆ قۆناغەكانی سەرەتای ئەم حاڵەتە چارەیەكی كاریگەرە *حەبە دژەهەوكردنە ناستیرۆیدییەكانی وەك پرۆفین ئەگەر گەدە تەندروست بوو.
2- چارەسەری پزیشكی: *نانەشتەرگەریی:*چارەسەری لەیزەری و لێدانی گەرمیی بەهۆی شەپۆلەكەوە *سكلیرۆسێراپی:ناردنی ماددەیەك بۆ بەشە توشبوەكە تا بیمرێنێت و لاببرێت. *نەشتەرگەریی: *لابردنی سەرجەم ناوچە توشبوەكەی خوێنهێنەرەكە بە نەشتەرگەریی كراوە. *بەستنی ڕۆیشتنی خوێن لەناوچە توشبوەكەی خوێنهێنەرەكەوە. *دابەزاندنی پلەی گەرمی لەناوچە تشبوەكەی بۆرییە توشبوەكە بۆ 850 نمرە ژێر سفر و سەرەنجام دەمرێت و لادەبرێت.