لەبەشی تەندروستی سایتی یاهودا، گروپێك لەپزیشكان پێنج ئامۆژگاریی خۆراكییان پێشكەش كردووە، كە بەڵێنتان پێدەدەن ئەگەر جێبەجێیان بكەن، بە گەنجی و جوانی دەمێننەوە لەچاو هاوتەمەنەكانتان:
1- روەكی ڕەنگاوڕەنگ بخۆن:
ئەو ئاڵێتییەی تەماتە و سەوزە درەوشاوەیەی برۆكلی و بیبەر و ئەو زەردییە سەرنجڕاكێشییەی لیمۆ و ڕەنگە جوانە سروشتییەكانی میوەكان بەهۆی هەبوونی ماددە دژە ئۆكسانەكانەوەیە. ئەو ماددانە نەرمی و تەندروستی بۆرییەكانی خوێنتان دەپارێزن، جوانی و درەوشاوەیی پێستتان و تەندروستی گشتیتان پتەو دەكەن و بەرگری لەشتان بەهێز دەكەن. بۆیە هەوڵ بدەن لەهەموو ڕەنگەكانی میوە بخۆن، چونكە هەر ڕەنگە و نیشانەی هەبوونی جۆرێكی جیاوازە لەو ماددە سودبەخشانە.
2- سەرچاوەی چەورییەكەت بگۆڕە:
ئەو چەورییەی لەزەیتون و ماسی و بادەم و ناوكەكانی ترەوەیە سودێكی ئێجگار زۆری بۆ دووركەوتنەوە لەنەخۆشی ئەڵزایمەر و هەوكردنی جومگەكان و تووشبون بەنەخۆشییەكانی دڵ و شێرپەنجە هەیە.
3- رۆژانە پەرداخێك شەربەتی مێوژ:
دەوڵەمەندییەكی سەرسوڕهێنەری هەیە لەماددەی دژە ئۆكسیدی فلاڤۆنۆید دا، كە ڕێگا دەگرێ لەتوشبون بە نەخۆشییە مۆدێرنەكانی وەك بەرزیی فشاری خوێن و شەكرە.
4- كوپێك چای سەوز هەموو رۆژێك:
چای سەوز ماددەی كەیتچینی تێدایە، كە ڕێگری لە توشبوون بەبەرزیی پەستانی خوێن و بەوتەی پسپۆڕان باشترین ڕێگرە لەپیربوونی مرۆڤ. ئەگەر ڕۆژانە كوپێك چای سەوز بخۆیتەوە، ئەگەری توشبوونت بە بەرزی فشاری خوێن 46% كەم دەكات و ئەگەر لەكوپێك زیاتر بخۆیتەوە 65% ئەگەری توشبوونت كەم دەكات.
5- كەم بخۆ:
ئەگەر كێشت هەر وەك تەمەنی 18 ساڵیت بهێڵیتەوە، ئەوا ئەگەری توشبوونت بە نەخۆشیی دڵ و بەرزی پەستانی خوێن و شەكرەی جۆری 2 و بەردی زراو 66% كەمدەكات.