پسپۆڕان لەزانكۆی تۆماس جیفرسنی ئەمەریكییەوە پرۆتینێكیان لەخانەكانی كرمدا دۆزییەوە بەناوی arrestin كە پەیوەندی ڕاستەوخۆی بەتەمەندرێژییەوە هەیە. پسپۆڕان دەڵێن ئەو كرمانەی ئەو پرۆتینە لەخانەكانیاندا نییە، تەمەنیان بەڕاددەی 33% درێژتر دەبێت، كەچی ئەو كرمانەی ڕاددەی ئەو پرۆتینەیان بەرزە، تەمەنیان بە ڕێژەی 33% كەم دەكات. پسپۆڕان ئەو پرۆتینەیان لەهەندێ كرمدا لابرد و بۆیان دەركەوت لابردنی ئەو پرۆتینە بە رادەیەكی بەرچاو تەمەنیان درێژ دەكات. ئەو زانایانە تەئكیدیان كردەوە، كە ئەو جۆرە كرمەی لێكۆڵینەوەی لەسەر كراوە لەڕووی بایۆلۆجییەوە پەیوەندییەكی نزیكی لەگەڵ مرۆڤ هەیە و مرۆڤیش بەڕاددەی جیاواز لەیەكتر ئەو جۆرە پرۆتینەیان تێدایە. پسپۆڕە ئەمەریكییەكان ئەم دۆزینەوەیەیان بە گرنگییەكی زۆرەوە وەسفكرد، بەوەی دوای دیراسەكردنی لەمرۆڤدا دەتوانرێ كاری ئەرێنی پێ بكرێت بۆ تەمەندرێژكردنی مرۆڤ و ڕێگاگرتن لەتوشبوونی چەندین جۆری شێرپەنجە. ئەنجامی ڤەكۆڵینەكە لە Journal of Biological Chemistry دا بڵاوبووەوە و بە باشترین وتاری زانستیی هەفتە دەستنیشان كرا.