بەگوێرەی لێكۆڵینەوەیەكی نوێی ئەمریكی كە لەلایەن Sunni L. Mumford خاوەنی بڕوانامەی دكتۆرا ئەنجامدراوە و 12ی ئەم مانگە سایتی وێبمێدیسن ئاماژەی پێكردوە، سوڕی مانگانەی ئافرەت كار لە ڕێژەی كۆلیسترۆلەكەی دەكات و بەم پێیە دەبێ وردترین پێوانەی كۆلیسترۆلی ئافرەت بدۆزرێتەوە و هەموو جارێك لەو قۆناغەی سوڕی مانگانەیدا چێك بكرێت.
لێكۆڵەران تەئكیدیان كردەوە كە بەدرێژایی سوڕەكە، ئاستی كۆلیسترۆل بە ڕاددەی 20% دەگۆڕێت، ئەم ڕاددەی گۆڕانە لە ئافرەتانی قەڵەو و ئەوانەی تەمەنیان لە 40 ساڵ زیاترە، لە 20% یش زیاترە. دەركەوت لەنیوەی یەكەمی سوڕی مانگانەدا ئاستی كۆلیسترۆل و چەورییەكانی تر كەمترە و دوای دابەزینی هێلكە ئاستی چەورییە زیانمەندەكان بەرز دەبێتەوە.
لێكۆڵینەوەكە لەسەر 260 ژن ئەنجامدرا لەنێوان تەمەنەكانی 18 تا 40 ساڵی ئەنجامدا و بۆ هەر ئافرەتێك لەماوەی سوڕی مانگانەكەیدا 16 نمونە لە خوێن وەرگیرا بۆ پێوانی ئاستەكانی هۆرمۆنی ژنانە و چەورییە جۆراوجۆرەكانی خوێن پێوران.
لێكۆڵەران وتیان بۆمان دەركەوت هەتا ئاستی هۆرمۆنی ژنانەی ئیسترۆجین زیاد بكات، ئاستی كۆلیسترۆلی بەسود زیاد دەكات و هی كۆلیسترۆلی زیانمەند زیاتر دەكات. هەر بۆیەش دوای تەمەنی نائومێدی، كە ئاستی هۆرمۆنی ژنانە بەشێوەیەكی بەرچاو دادەبەزێت، ئەگەری توشبونی ئافرەت بە نەخۆشیەكانی دڵ و بۆرییەكانی خوێن زیاد دەكات و وەك پیاوانی لێدێت.
تا ئێستا داوامان لە نەخۆشەكان دەكرد كە بەیانیان و بە سكی برسی بێن بۆ چێككردنی ئاستی چەوری خوێنیان، لەمەودوا دەبێ كاتی سوڕی مانگانەكەش لەبەرچاو بگرین.