لێكۆڵینەوەیەك لەكۆمەڵەی شێرپەنجەی ئەمریكییەوە لەسەر 123،000 كە ئەنجامدراوە كە 53 هەزاریان پیاو و 60 هەزاریان ئافرەت بوون. لێكۆڵینەوەكە ئاشكرای كرد زۆر دانیشتن تەمەن كورت دەكاتەوە، بێ گوێدانە راددەی چالاكی جەستەیی ڕۆژانەی ئەو كەسە.
لێكۆڵینەكە لەسەر بەدواداچونی ئەو كەسانە بۆ ماوەی 13 ساڵ ئەنجام دراوە و بەشداربوان بەدووربون لەشێرپەنجە، جەڵتەی دڵ، جەڵتەی دەماخ و نەخۆشییەكانی سی.
لێكۆڵینەكە سەلماندی ئەو ژنانەی ڕۆژانە زیاتر لە 6 سەعات دادەنیشن ئەگەری مردنیان 37% زیاد دەكات بە بەراورد بەو ژنانەی كەمتر لە 3 سەعات لە شەو و ڕۆژێكدا دادەنیشن.
هەرچی پیاوانیشن ئەگەر ڕۆژانە زیاتر لە 6 سەعات دابنیشن ئەوا ئەگەری مردنیان 18% زیاد دەكات بە بەراورد بەوانەی لە شەو و ڕۆژێكدا كەمتر لە 3 سەعات دادەنیشن.
بەپێی لێكۆڵینەوەكە تەنانەت ئەگەر كەسەكە وەرزشیش بكات، دانیشتنی زۆر دیسان ئەگەری مردنی زیاد دەكات.
خۆ ئەگەر ژنێك لە شەو و ڕۆژێكدا زیاتر لە 6 سەعات دابنیشێت و وەرزشیش نەكات، ئەوا ئەگەری مردنی 94% زیاد دەكات بە بەراورد بە كەسێك كە لە 3 سەعات كەمتر دادەنیشێ و وەرزشی ڕۆژانەش دەكات.
بەپێی سایتی مێدیكاڵ نیوز تودەی كە هەواڵەكەی بڵاوكردۆتەوە، پێشتر سەلمێنرابوو دانیشتنی زۆر پەیوەندی هەیە بە توشبون بە شەكرە، نەخۆشییەكانی دڵ و بۆری خوێن و قەڵەوییەوە، بەڵام ئەمە یەكەمین جارە بە لێكۆڵینەوەیەكی وا زەبەلاح و بە ئەنجامێكی وا بەرچاو دەسەلمێنرێ كە دانیشتنی زۆر پەیوەندی هەیە بە مردنەوە.