كەمپینێكی زانستی لە ئەمریكا بە مەبەستی تێگەیشتن لە سروشتی كیمیایی عەتر و بۆنەخۆشەكان، هەندێ زانیاری نوێ دەخاتە پێشچاوی پەیوەندیداران. پسپۆڕان لە جۆرە ناسراو و ماركەكانی عەتر كە 17 جۆر بون لە هەریەكە و نمونەیەكیان نارد بۆ پشكنینی تاقیگەیی. دواتر پسپۆڕان بۆیان دەركەوت جگە لەو ماددانەی كە لەسەر قوتوی عەترەكان نوسراون بەوەی پێكهاتەی عەترەكەن، ئەو عەترانە بە تێكڕا هەریەكە و 14 ماددەی زیانبەخشی تریان تێدایە كە كۆمپانیاكان لەسەر شوشەی عەترەكان ئاماژەیان پێناكەن. پسپۆڕان هوشداریان دا كە پێدەچێ ئەو عەترەی لەخۆتی دەدەی هۆكاری توش بوونت بێ بە سەرئێشە، هەستەوەری و تەنانەت تێكچونی باڵانسی هۆرمۆنیش. بۆیە هوشداریاندا، ئەگەر ناشتوانن لە عەتر و بۆنخۆشكەرە دەستكردەكان بە تەواوی دوور بكەونەوە، لانیكەم سنور دابنێن بۆ بەكارهێنانیان.