بەپێی لێكۆڵینەوەیەك خواردنەوەی بیرە ئەگەری توشبوون بە نەخۆشی سەدەف (Psoriasis)، كە نەخۆشییەكی بە ئازار و شێوێنەری جوانیی پێستە، زیاد دەكات. بەپێی ئەنجامی لێكۆڵینەوەكە ئەو ژنانەی بیرە دەخۆنەوە، ئەگەری توشبونیان تەنانەت لەو پیاوانەش زیاترە كە بیرە دەخۆنەوە، چ جای ئەوانەی لە بیرە و خواردنەوە كحولییەكانی تریش بەدوورن! لێكۆڵینەوەكە لەسەر 82،869 كەس ئەنجامدراوە و لێكۆڵەران ئەم ئەنجامانەیان دەستكەوتوە:
* لەو ژمارەیە 1150 كەس توشی سەدەف بوون و توێژینەوە لەسەر 1069 كەسیی توشبوویان هاتۆتە ئەنجامدان.
* ئەو كەسانەی هەفتانە 2-3 جار لەهەفتەیەكدا خواردویانەتەوە، بە بەراورد بەوانەی نەیانخواردۆتەوە، ئەگەری توشبونیان بە سەدەف 72% زیادی كردوە.
* ئەو ئافرەتانەی هەفتانە 5 جار و زیاتر بیرەیان خواردۆتەوە، ئەگەری توشبونیان بە سەدەف 2-3 هێندە زیادی كردووە بە بەراورد بەوانەی بیرە و خواردنەوە كحولییەكانی تر ناخۆنەوە.
ماددەی گلوتین كە لە جۆدا هەیە، لەبیرەدا بوونی هەیە و ئەمەش ئەگەری توشبوون بە سەدەف زیاتر دەكات. بەم پێیە لەم ڕوەوە بیرە لەخواردنەوە كحولییەكانی تری وەك شەرابی سور زیانمەندترە.