ئەكتەری سوری سەفا سوڵتان لەلێدوانێكدا بۆ سایتی ئیلاف باسی لە دوا كاری خۆی كردووە، كە درامایەكە بە ناوی جمكی رۆحی، سەفا باس لە ناوەڕۆكی كارەكە دەكات و دەڵێ "درامایەكی كۆمەڵایەتی و عاتیفیە". لەو درامایەدا سەفا رۆڵی سەرەكی دەبینێت، ئەویش جمكێكن یەكێكیان خراپ و ئەویتریش كەسایەتیەكی باشی هەیە، بەگوتەی سەفا بوونی ئەو دووانە ململانێی نێوان خێر و شەڕ نیشان دەدات، هەر لەبەر بەهێزی ناوەڕۆكەكەی سەفا ئەوەی ئاشكرا كردووە، كە نووسەری دراماكە بڕیاری داوە ژمارەی ئەلقەكانی درێژتر بكاتەوە.