باوكی ملیاردێری ئەمریكی "بێڵ گیتس"ی دامەزرێنەری كۆمپانیای مایكرۆسۆفت، لەدیمانەیەكی رۆژنامەی "نیویۆرك دەیلی نیوز"دا باس لەكوڕەكەی خۆی دەكات، كە لەتەمەنی هەرزەكاریدا زۆر كێشەی بۆ ناوەتەوە.
رۆژنامەكە لەبێڵ گیتسی باوك و تەمەن 84 ساڵانی گواستۆتەوە، كە كوڕەكەی لەتەمەنی هەرزەكاریدا زۆر كێشەی لەرووی رەفتار و هەڵسوكەوتەوە هەبووە، بەهۆی ئەمەشەوە خانەوادەكەی بۆ ماوەی دووساڵ راوێژی تایبەتیان سەبارەت بەچۆنیەتی مامەڵەكردن لەگەڵ بێڵ گیستدا وەرگرتووە. گیتسی باوك دەڵێ "هەموو خانەوادەیەك كێشەی لەنێوان منداڵەكان و كەسوكارەكەیان لەتەمەنێكی دیاریكراویاندا دەبێت، بەڵام كێشەكانی ئێمە زۆربەیان لەنێوان گیتس و دایكیدا بوون". بێڵ گیتسی كوڕیش دانی بەوەدانا، كە لەتەمەنی هەرزەكاریدا سەركێش و سەربەكێشە بووە، گوتیشی "دایكم لەهێڵی پێشەوەی رووبەڕووبوونەوە دابوو لەگەڵ من. بەڵام باوكم لەیەدەگ بوو. بەڵام ئەو منداڵانەی لەتەمەنی هەرزەكاریدا كێشە دەنێنەوە، بۆ كەسوكاریان دەردەكەوێت كە دواتر گەورە بوون، چ كارێكی باش ئەنجام دەدەن". گیتیسی باوكیش لەگەڵ ئەم قسەیەی كوڕەكەی هاوڕا بوو.