ئەستێرەی هەڵبژاردەی بەرزایلی "رۆبینیۆ" بە تۆماركردنی گۆڵێك لەیاری بەرازیل بەرامبەر بە چیلی و وەرگرتی خەڵاتی باشترین یاریزانی یاریەكە، جارێكی تر سەلماندی كە ئەو هەمان یاریزانی بەهرەمەندی پێشووە و شێوازی یاریكردنەكەشی لەگەڵ هەڵبژاردەكەی جیاوازە وەك لەیانەی مانچستەر سیتی.
رۆبییۆ كە بەجموجۆڵ و خێرایی لەیاریكردن و گواستنەوەی تۆپدا ناسراوە، بەپلانی دۆنگا لەهەڵبژاردەكەیدا بە زۆری لەلای راستدا یاری دەكات، هەروەك بە پێی یاریەكانیش شوێنگۆڕكێ لەگەڵ كاكا و لویس فابیانۆدا دەكا. بە هۆی ئەوەی نەیتوانیوە بە پێی پێویست لەگەڵ یانەی مانچستەر سیتیدا دەسكەوت بەدەست بهێنێت، هاندەرانی ئەو یانەیە بە "جادووگەرە خەوتووەكە" وەسفی دەكەن، بەڵام ئەفسانەی تۆپی پێی بەرازیل و جامی جیهانی 1970 (تۆستاو)، كە لەكۆی 54 یاریدا 32 گۆڵی بۆ هەڵبژاردەكەی تۆمار كردوە، لەبارەی رۆبینۆوە دەڵێت "لە ئینگلتەڕا دەیانەوێت رۆبینیۆ بە تەكتیك و شێوازێكی دیاریكراوی یارییەوە ببەستنەوە، ئەمەش ئەو ئازادییە لەجموجۆڵ و یاریكردندا بۆ ئەو دەستەبەر ناكات، كە ئێستا لەبەڕازیلدا هەیەتی. دەبینین جارێك لەدەستەراست و جارێك لەدەستەچەپ و ناوەڕاست یاری دەكات، هیچ شوێنێكی دیاریكراوی نیە. من پێم وایە ئەو لەباشترین یاریزانەكانی جیهان بێت، تەنیا لەرووی پێگەیشتنی كەسایەتیەوە كێشەی هەیە".