ژنە هونەرمەندی لوبنانی هەیفا وەهی دوپاتیكردەوە لەمانگی رەمەزاندا هەست بەنزیكی لەخودا دەكات و ئەوەیشی ئاشكراكرد، لەم مانگەدا پابەندە بەئەنجامدانی نوێژەكان لەكاتی خۆیدا و خوێندنی قورئانی پیرۆز.
هەیفا لەنوێترین چاوپێكەوتنیدا لەگەڵ گۆڤاری رادیۆ و تەلەفزیۆن باس لەوە دەكات، خۆشترین كاتەكانی ژیانی ئەو ساتانەیە كە نوێژ دەكات و قورئان دەخوێنێت، بەتایبەت سورەتی ئایەتولكورسی و مەعوزەتەین، كە دەبنە هۆی ئۆقرەیی و ئارامی دەروونی و رۆحی.
هونەرمەندی ناوبراو لەدیمانەكەیدا ئەوەیشی گێڕاوەتەوە، كە لەتەمەنی حەوت ساڵییەوە رۆژوی گرتووە و زۆر دڵخۆش بووە، كە لەو تەمەنەدا بۆیەكەمجار توانیویەتی تەواوی رۆژەكە بەرۆژوو بێت.