سامینا ئەختەر وەك ئافرەتێكی موسڵمان بێزار و نیگەران بوو لەبەكارهێنانی ئەو كەرەستانەی جوانكاریی كە مادەی كهولی یان گۆشتی بەرازیان تێدا بەكاردێت، بۆیە بیری لەوە كردەوە جۆرێكی مكیاژ بەرهەمبهێنێت كە خاڵی بێت لەكەرەستەی حەرام.
ئەختەری چل و یەك ساڵ پێش دوو ساڵ لەماڵەكەی خۆیدا لەبەریتانیا تاقیكردنەوەكانی لەمبارەوە دەستپێكرد و ئێستا بووە بەخاوەنی یەكەم كۆمپانیای بەرهەمهێنانی كەرەستەی جوانكاریی حەلاڵ. بەرهەمە جوانكارییەكانی ئەختەر كرێم ئەساس و سوراو و سەر رومەت لەخۆدەگرێت، بەڵام هێشتا نەیتوانیوە مەسكەرە دروستبكات و ئێستا لەهەوڵی ئەوەدایە ئەویش بەرێگەی حەڵاڵ دروست بكات. بەشێك لەزانایان رەخنەی ئەوەیان لەئەختەر گرتوە كە چەمكی ئاینی بۆمەبەستی بازرگانی بەكارهێناوە.