سڤیل
لەگەڕەكی شادی شاری هەولێر، شۆفێرێك لەدوای لێدانی لەكچێك و دواتر كوشتنی، تەرمەكە جێدەهێڵی و بەرەو شوێنێكی نادیار رادەكات، پۆلیسی هەولێریش ئاماژە بەوە دەكات كە تائێستا ناسنامەی تاوانبار و جۆر و ژمارەی ئۆتۆمبێڵەكە بەنەزانراوی ماوەتەوە.
كاروان عەبدولكەریم، بەرپرسی راگەیاندنی پۆلیسی هەولێر، لەبارەی رووداوەكە بە (سڤیل)ی راگەیاند كە لەرێكەوتی 7/12/2011 بنكەی پۆلیسی شادی ئاگادار كرانەوە لەلایەن داواكارانی مافی كەسی مردوو، هەریەكە لەباوكی كچەكە بەناوی (عوسمان نادر قادر) لەدایكبووی (1976) پیشە، (كاسب) دانیشتووی (گەڕەكی نازماوە) و دایكی كچەكە بەناوی (نسار عەبدولسەمیع عومەر) لەدایكبووی (1980) پیشە، (ژنی ماڵەوە) كە هەردووكیان ئامادە بوون لەبنكەی پۆلیس و فۆڕمی پشكنینی پزیشكی كچەكەیان بەناوی (ئاسراو عوسمان نادر) لەگەڵ خۆیان هێنابوو و داوای سكاڵایان دەكرد لەدژی تۆمەتبارێكی نەناسراو كە بەئۆتۆمبێڵێك لەكچەكەیانی دابوو و پاشان شۆفێرەكە رایكردبوو و تەرمی كچەكەیانی جێهێشتبوو لەكۆڵانەكانی گەڕەكی شادی.