سڤیل: یەسنا كەمالەیی

(ل. س) ژنێكی تەمەن 26 ساڵەیە و دانیشتووی شاری هەولێرە، ئەو ژنە سەرەتا دوودڵ بوو لەقسەكردن، بەڵام دواتر بەو مەرجە ئامادەبوو باس لەحاڵەتەكەی خۆی (پانپانۆكێ - هاوسێكسبازی) بكات و تێوەگلانی بەو كارە بۆ (سڤیل) بگێڕێتەوە، كە ناوەكەی بەهیچ شێوەیەك ئاماژەی بۆ نەكرێت و بڵاو نەكرێتەوە.
لەدوای رازیبوون بەقسەكردن، ئەو ژنە فەرمانبەرە، بەبێ ئەوەی هیچ شلەژانێك بەقسەكانییەوە دیاربێت، لەدەسپێكی قسەكانیدا باسی لەوەكرد كە بەهۆی ئەوەی لەتەمەنێكی زۆر بچووك دا شوویكردوەو هاوسەرەكەشی هەستێكی "زۆر لاواز"ی سێكسی بەرامبەری هەبووە، نەیتوانیوە دەسبەرداری ئەو خوە كۆنەی بێت، كە لەسەردەمی زانكۆ لەگەڵ كچە قوتابیەكی هاوڕێی لەبەشە ناوەخۆیی كچان، حەزە سێكسییەكانی یەكتریان كپ دەكردەوە.
بۆیە وەكو ئەو ژنە باسی لێوە دەكات، لەو كاتەی كچە قوتابی زانكۆ بووە، لەگەڵ هاوڕێیەكی لەبەشە ناوخۆیی فێری (پانپانۆكێ) بووە، بەڵام وەك ئەو ئاشكرای دەكات كە بەهۆی قەڵەباڵخی بەشە ناوەخۆییەكەو ترسیان لەئاشكرا بوونیان، زۆر لەسەر ئەم كارەی بەردەوام نەبووە، بەڵام لەدوای پرۆسەی هاوسەرگیری و بەهۆی لاوازی و ساردی سێكسی هاوسەرەكەی، دووبارە پەنای بۆ ئەو كارە بردۆتەوە كە لەكچێنی لەگەڵ كچە هاوڕێیەكەی كردوویەتی، ئەو دەڵێت كە "چێژێكی زۆر لەو كچە هاوڕێیەم وەردەگرم، چونكە لەسێكسكردنی لەگەڵم دا زۆر چوست و چاڵاكە، بەهەمانشێوە منیش چێژێكی زۆر بەو دەبەخشم و هەردووكمان زۆر ئاسوودەین، كە سێكس لەگەڵ یەكتر دەكەین".
ئەو ژنە فەرمانبەرە، باس لەوەش دەكات كە ئەو كاتانەی ناشتوانن یەكتری ببینن لەگەڵ كچە هاوڕێیەكەی، بەتەلەفۆن حەزە سێكسییەكانیان بۆ یەكتری دەردەبڕن. دەشڵێت "سەرەتای دەستپێكردنمان بەو كارە لەبەشە ناوەخۆیی زانكۆ، من و كچە هاوڕێكەم باری دەروونیمان زۆر ئاڵۆز دەبوو، لەبەر ئەوەی بەنهێنییەوە سێكسمان دەكرد و ترسێكی زۆریشمان لەئاشكرابوون و ئابڕووچوونمان لەبەشە ناوەخۆییەكە هەبوو، بەڵام بەتێپەڕبوونی كات، ئێستا حاڵەتەكە لامان ئاسایی بووە".
ئەو ژنە ئەوەشی دركاند كە تاوەكو ئێستا و لەپاش شووكردنیشی، بەلای كەمەوە لەهەفتەی جارێك لەگەڵ كچە هاوڕێكەی یەكتر دەبینن و ناتوانێ دەسبەرداری ئەو كارەی بێت، گوتیشی "ئەگەر زۆری تامەزرۆبم، لەدەوام مۆڵەتێك وەردەگرم و دەگەڕێمەوە ماڵەوە، ئینجا تێلێك بۆ ئەو كچە هاوڕێیەم دەكەم و كاتێكی خۆش بەیەكەوە بەسەر دەبەین، ئاواش لەجەستەی یەكتری شارەزا بووینە، هیچمان ئەوەی دیكە بێبەش ناكات لەچێژ و لەززەتی سێكس"، ئەو ژنە زۆر راشكاوانە، دەشڵێت "ئەو چێژە سێكسییەی لەو كچەی وەردەگرم تائێستا لەهاوسەرەكەمم وەرنەگرتووە، هەرگیز پەشیمانیش نیم لەوەی كە دەیكەم، چونكە حەزی خۆمە و تێری دەكەم".
لەبارەی ئەوەش كە ئاخۆ هاوسەرەكەی هەستی بەمە نەكردووە، ئەو دەڵێت "هاوسەرەكەم خۆی كەسێكی ساردە لەسێكس و شەوانە پشتم تێدەكات و تابەیانی دەخەوێت، هەستكردنی چی!؟"، ئەو ژنە كە ترسێكی هەبوو لەئاماژە كردن بەناو و شوێنی ژیانی، هۆكاری گەڕانەوەشی بۆ سەر ئەو كارەی دەخاتە پاڵ مێردەكەی و دەڵێت "ئەم ساردییەی هاوسەرەكەم وایكرد پەنا بۆ ئەو كارە ببەمەوە، ئەگینا من بڕیاری وازهێنانم دابوو". لەبارەی كچە هاوڕێكەشی، وەكو ئەو باسی لێوە دەكات، كە ئەو كچە بڕیاری داوە هەرگیز شوو نەكات و بەسەڵتی بژی.
بەبۆچوونی ئەو ژنەش، كە ئێستا دەرچووی زانكۆیەو فەرمانبەرە لەیەكێ لەفەرمانگەكانی ناو شاری هەولێر، ژن دوو هێندەی پیاو پێویستی بەسێكس هەیە، بەڵام وەك دەڵێت "لەكۆمەڵگای ئێمە ئەگەر ژنێ داوای سێكس لەپیاوەكەی بكات، ئەوە مێردەكەی بەچاوێكی كەم سەیری دەكات".
توێژەری كۆمەڵایەتی (ستار باقی) لەسەر دیاردەی هاوسێكسبازی (پانپانۆكی) ئافرەتان، دەڵێت "هاوسێكسبازی لەكۆمەڵگا تەقلیدییەكان دەگەڕێتەوە بۆ لاساییكردنەوەو كەمی متمانە بەڕەگەزی بەرامبەر، لەو حالەتەش مەسەلەی چێژوەرگرتن دەبێتە خاڵێكی سەرەكی لەبوونی دیاردەیەكی لەو شێوەیە، بەدووبارەو چەند بارە كردنەوەشی، مەسەلەی ترس و شەرم دەچێتە خانەی لەبیر چوونەوەو راهاتن شوێنیان دەگرێتەوە"، ئەو توێژەرە كۆمەڵایەتیە گوتیشی "كەسانێكی لەوجۆرەش ئەخلاقە نۆرماڵەكانیان لەدەستداوەو كەوتوونەتە ژێر فشاری شتە نەفسی و ناواقیعییەكان، ئەو ژنانەشی كە لەسەر ئەو حالەتە راهاتوون، متمانەی نهێنییان لەنێوان دروست دەبێت و لەداهاتووشدا دەبنە كۆیلەی ئەو نهێنیانەیان، بۆیە بۆ دەربازبوونیان پێویستیان بەهێز و ئیرادەیەكی زۆر دەبێت"، ستار باقی، هۆكارەكانی سەرهەڵدانی ئەو دیاردەیەش بۆ "هۆكاری كۆمەڵایەتی، لەچەشنی بەیەكەوە ژیانی ژنان لەشوێنێك بۆ ماوەیەكی زۆر و هۆكاری دەروونی، لەشێوەی پەیبردن بەنهێنییەكانی یەكتر و هۆكاری سێیەمیش، چاولێكردنی رەگەزی نێر بەسەرچاوەی مەترسی".
ژنێكی دیكەی هاوسێكسباز، ئەویش تەمەنی 31 ساڵە و هەڵگری بڕوانامەی بكالۆریۆسە، بەڵام ئەو ژنە كاری ئازاد دەكات و ئارایشگایەكی لەناو شاری سلێمانی هەیە. ئەو ژنە كە روخسارێكی سوور و سپی جوان و چاوێكی گەورە و ڕەشی هەیە، وەكو خۆی باسی لێوە دەكات، سەرەتا لەڕێگەی ئینتەرنێتەوە كچێك دەناسێ و خۆشەویستی بۆ یەكتر دەگۆڕنەوە. ئەو سەرەتا خۆشەویستییەكەی خۆی بۆ كچە بەئاسایی وەردەگرێ، بەڵام پاش تێپەڕبوونی كات هەستدەكات خۆشەویستی ئەو كچە بۆ ئەو حاڵەتێكی ئاسایی نییەو پاش ماوەیەك لەكافتریایەك یەكتر دەبینن.
ئەو ژنە ئارایشگاكارە باس لەوەش دەكات كە ئەو كچە (كە قوتابی زانكۆیە) لەیەكەم دانیشتنیان، خۆشەویستی خۆی بۆ ئەو دەربڕیوەو داوای ئەوەی لێ دەكات كە سێكس بەیەكەوە بكەن، ئەویش شوێنی هەبووەو داوای كچەكەشی رەتنەكردۆتەوە، وەكو خۆی دەڵێت "دەستی بەو كارە كردووە".
ئەو ژنە كە ئامادە نەبوو، ناوی تەواوی خۆی ئاشكرا بكات، ئێستا داوای جیابوونەوە لەهاوسەرەكەی دەكات و كێشەكەیان گەیشتۆتە دادگا، ئەو لەبارەی كێشەكەی خۆیەوە دەڵێت "ئەو كچە كە هاوڕەگەزی خۆمە، باشتر تێمدەگات و پیاوەكەم تەنیا بیر لەخۆی دەكاتەوە"، سەبارەت بەشوێنی یەكتر بینین و ئاڵوگۆڕی سێكسیان لەگەڵ كچە هاوڕێكەی، دەشڵێت "هەركاتێ دوكانەكەم چۆڵبوو، موشتەریەكانم رۆیشتن. تەلەفۆنێك دەكەم و ئەو كچە دێتە لام، كاتێكی خۆش بەسەر دەبەین و بێدڵی لێ ناكەین، زۆریش ئاسوودەم كە سێكسی لەگەڵ دەكەم، چێژێكی زۆر جیاوازتر لەمێردەكەمی لێ وەردەگرم، بەڕادەیەك كە دوای چەندین كاتژمێر لەكردارەكە هەر مەستم بەهۆی ئەو چێژە زۆرەی كە لەوم وەرگرتووە".
ئەو ژنە باس لەوەش دەكات كە ناتوانێ واز لەو كارەی بهێنێ، چونكە پێوەی ئاڵوودە بووە، دەشڵێت "بۆیە داوای جیابوونەوە لەهاوسەرەكەم دەكەم، چونكە نامەوێت خیانەتی لێبكەم".
لەدوای وەرگرتنی قسەی ژنەكە، پەیوەندیمان بەپارێزەرەكەی ئەو ژنە لەدادگا كرد. پارێزەرەكەی گوتی "ئەو ژنە سەرەتا ئەو حاڵەتەی خۆی بۆ من باس نەكردووە، تەنیا وتی بەهۆی تێنەگەشتن لەگەڵ هاوسەرەكەی بڕیاری جیابوونەوەی داوە، بەڵام پاش ماوەیەك زۆر بەڕاشكاوی هەموو شتێكی بۆ باسكردم"، پارێزەرەكەی ئەو ژنە ئامادەش نەبوو كە ناوی تەواوی بنوسرێ، چونكە وەكو ئەو گوتی "من بەناونیشانی نەگونجان و تێنەگەیشتن لەنێوان دوو هاوسەر ئەو كێشەیەم داوەتە دادگا، بۆیە بەقسەكردن لەسەر ئەو كێشەیە، گرفت بۆ خۆم و بۆ ئەوانیش دروستدەكەم"، ئەو پارێزەرە ئەوەشی خستەروو كە حاڵەتی ئاوا زۆر كەم دێتە بەردەم دادگا، بەڵام گوتیشی كە "ئەو حاڵەتە ئێستا روو لەزیاد بوونە، هۆكارەكەشی بەشێكی ئەو كەپتە سێكسییەیە كە هەیە، ئەمە جگە لەو فیلمە سێكسییانەی كە ژنان دەیبینن و زۆرجار هەوڵی لاساییكرنەوەی دەدەن".