ئایا دەزانی كە هەندێك خواردن و خواردنەوە راستەوخۆ كاریگەریان هەیە لەسەر حەزی سێكسی و كاردانەوە سێكسیەكاندا؟ وا پێدەچێت كە ئەو خۆراكانەی دەبنە ئەگەری بەرزبوونەوەی ئاستی سیرۆتۆنین ئەوا لەراستیدا حەزی سێكسی و كاردانەوە سێكسییەكان دادەمركێنن لەهەردوو پیاو و ئافرەتدا. هەندێك لەم خۆراكانە زەروور و پێویستن بۆ تەندروستی كە مرۆڤ ناتوانێ دەستبەرداریان بێت، بەڵام كە بوونە ئەگەری شڵەژانی باڵانسی نێوان سیرۆتۆنین و دۆپامین ئەوسا گرفتی سێكسی سەرهەڵدەدەن، ئەمانەی خوارەوەش چەند نموونەیەكن لەوانەی كە دەبنە ئەگەری بەرزبوونەوەی ئاستی سیرۆتۆنین لە لەشدا:
كافائین: كە رۆژانە بە خواردنەوەی قاوە و خواردنەوە كافائین كراوەكان دەگاتە لەشمان.
چینگۆ و جینسینگ: كە واباوە ئەمانە هەوەس و توانای سێكسی پتر بكەن، بەڵام ئاستی سیرۆتۆنین بەرزدەكەنەوە، بۆیە گرفتی سێكسی دەنێنەوە بەتایبەتی لەئافرەتاندا.
جگەرە: نیكۆتین لەوانەیە سەرەتا ئاستی دۆپامین زۆر بەرزبكاتەوە، بەڵام زوو دادەبەزێتەوە و لەبەرانبەردا ئاستی سیرۆتۆنین بەرزدەبێتەوە كە ئەمەش نێگەتیڤانە دەكەوێتەوە سەر لایەنی سێكسی بەشێوەی كەمبوونەوەی هەوەسی سێكسی و كەمبوونەوەی لێشاوی خوێن بۆ ئەندامە سێكسیەكان.
شەكر و نیشاستە: لێكۆڵینەوەكان پیشانیان داوە كە كاربۆهیدراتە نیشاستەییەكان و شەكرەكان دەبنە هۆی بەرزبوونەوەی ئاستی سیرۆتۆنین، كەواتە نێگەتیڤانە كاریگەری دەكەنە سەر لایەنی سێكسی.